كلام موزون ⑮

كلام موزون ⑮
●●●●●●
 (1) كل عام يمرُ في حياتي مُعلق في ذاكرتي بحدثٍ مُعين .. فأنا أعتز بذكرياتي .. وأهتم بإسترجاعها من آنٍ لآخر

●●●
(2) إلى متى سأُطالَب بتَحَمُل غباء الآخرين ...؟!
●●●
(3) تسمع منه كلام يشيّب , فــ ده يشتم وفــ ده يعيّب .. وكإنه كامِل مُتكامِل , مافيهوش ولا حاجة تتعيّب .. ويقوِّلك كلام مقولتوش , ويفشُر عليك من غير رتوش .. وتواجهه بحقيقته , يعمل فيها برئ وطيب
●●●
(4) هَلُمُوا أيُها الظالمون السُفهاء .. فَــ سِلاحي أصبح مُستعِداً لإبَادَتِكُم
●●●
(5) نفسي يصحى الضمير والإنسانية , جوه قلوب كل البشرية .. وبدعي ربنا يجعلني ولو سبب صغير , وإني أكون دايماً إيجابية .
●●
●


نــــورا خـــشــبــة

كلام موزون ⑭

كلام موزون ⑭
●●●●●●

(1) يصفونني بالملائكة , ثم يسخرون من وصفِهم .. وكأن صفات الملائكة عيوباً يجب إقتلاعها
●●●
(2) أتعجب .. عندما أتذكر أشياءً كثيرة كانت تشغلني في الماضي .. ولم تعُد تستهويني بالمرة .. فلماذا إذن كانت تشغلني ..؟!
●●●
(3) أكدت الإحصائية الفريزرية , أن إنتاجها لا يقتصر فقط على الثلاجات الكهربائية , بل يصدر منها وبكثره موديلات بشرية
●●●
(4) عايشة في دنيا غريبة .. مُفتقدة فيها الطيبة .. الكل في وشي يبتسملي .. وبكل الحب يبانلي .. وهما من ورا ضهري .. هاريينّي نميمة وغيبة
●●●
(5) لا أحب الجدال وإختلاق الأعذار .. فمن كان على حق .. يكفيه صدق نيته مع الله .. وحدها هي حُجة الإنتصار
●●●
(6) مُعظم مُقتنياتي سوداء .. وشيءٌ ما يجذبني دوماً إلى اللون الأسود .. فأنا أعشقه .. هو عندي أجمل وأوقر وأسمى وأروع لون , ويتربع على عرش الألوان .. فلماذا يظلموه بربطه بالكآبة والأحزان ..؟!
●●
●
نــــورا خـــشــبــة

كلام موزون ⑬

كلام موزون ⑬

●●●●●●

(1) لا تكوني حساسة , لا تكوني عفوية , لا تكوني عنيدة , لا تكوني عصبية .. كوني مُصطنعة إلى حدٍ ما , ضعي إنفعالاتك ومشاعرك في ثلاجة , هكذا ينصحونني دائماً

●●●

(2) زمان كانت دمعتي عزيزة ومستحيل تنزل قدام أي حد .. ودلوقتي بقت قريبة ومن السهل تنزل وتسيل كمان عــ الخد .. يا ترى إيه السبب ..؟ , ليه كل ما أكبر , دموعي تقرب وتكتر ..! , يا ترى ده خوف من الأيام واللي جاي .. ولا حُزن عشان فهمت الدنيا ماشية إزاي ..!؟

●●●

(3) أعشق التأمُل والتفكُر .. وأجلس وحدي كثيراً لِأتفكر , دون الشعور بالندم .. فمن خلالهما أرتقي بنفسي وروحي مع الله , بعيداً عن الفِكر الدنيوي

●●●

(4) عـنـدمـا لا تـجـد أحـداً يـسـمـعـك .. اكـــتُـب .. فـالـورقـة كـفـيـلـة بـأن تُـنـصِـت لـقَـلـمَـك

●●●

(5) حقاً .. إن معادن الناس ومَعزَّتَهم الحقيقية لك , تظهر في المصائب والأحزان وليست في الرخاء والأفراح , فــ كُلّاً ظهر على حقيقته

●●●

(6) من شِدة حُـزنِي , أرهَقتْ الحُـزنَ مَعِي , حتّى صَارَ لا يحْتَمِلَنِي

●●

●

نــــورا خـــشــبــة

كلام موزون ⑫

كلام موزون ⑫

●●●●●●
(1) عمري ما هكون منافقة .. ولا هجامل عشان مصلحتي .. أنا في ربنا دايماً واثقة .. واللي فيه نصيبي هييجي بطريقتي 

●●●

(2) في ليلة قعدت أفكر , وأعيد في حساباتي .. وأفتش وكمان أدوّر , وأقلّب في ذكرياتي .. سألت نفسي كام سؤال .. ليه الدنيا مابتدومش على حال .. وأنا ليه مش مرتاحة البال .. واللي بتمناه ليه صعب ومُحال .. وإيه ناقصني عشان أقدر , أكمّل بيه حياتي
 ●●●
(3) تعامل الناس بطيبة وحُسن نية يقولوا عليك عبيط .. تاخد بالك وتعاملهم بحذر وجديّة يقولوا ده بقى خبيث وحويط .. لا كده عاجب ولا كده يعجب إن شاالله مشيتلهم عــ الحيط .. سيبك منهم هتجننهم ويتنططوا منك تنطيط

●●●
(4) وآدي شهور يا قلبي طاروا من السنة .. ولسه أنا وإنت يا قلبي زي ما أنا .. مهموم وحزين , مليان حنين .. وأنا وإنت هنفضل عايشين .. على أمل يتحقق في يوم حلمنا .. ويبقى حقيقة نشوفها بعنينا وتنوّر عمرنا

●●●
(5) يتغيبون عام , وربما أعوام .. ثم يفاجئونك بظهورهم على الدوام

●●●

(6) ثمة صـمــتٌ حزين شـارد .. يُـذرف دموعاً دون بكاء

●●●
●●
●

نــــورا خـــشــبــة

أدعية من تأليفي :)

أدعية من تأليفي :) 
●●●●●●●●●

1- بندعيك يا رب ترحمنا برحمتك .. إنت وحدك عالم بينا وبدنيتك .. مش طالبين غير لطفك ورضاك علينا .. تحمينا يا رب بقدرتك وقوتك

 ●●●

2- اللهم وفقني يا رب وجميع أحبتي .. وحقق كل أمانيهم وأمنيتي .. ونوّر دروبهم وبصيرتهم وبصيرتي

 ●●●

3- اللهــم إستخـدمـني ولا تستبـدلـنـي .. وعلى طاعـتـك أعـنّي .. ومن رضـاك لا تحرمني .. ولغـيــرك يا رب لا تكلـنـي

 ●●●

4- اللهــم أصلــح الحــال وأرح البــال وأجــب الســؤال .. يــا مـن علـيـــك الـتــُــكال

●●●

5- اللهـم أني أُشـهدك ... أني بريئـة من كل الفـتن التي أُعـاصـرها في حيـاتي .. حتى لا أُفـتن بهـا في ممـاتي
●●●

6- يا رب صبرني , يا رب قدرني .. إنت اللي عالم بحالي , وعارفني أكتر مني

وأدعو الله عزّ وجلّ أن يكتب لي ثوابها :)
 

●●●
●●
●

تــألــيـــف : نــــورا خـــشــبــة ... :)
My Fan Page (",)
http://www.facebook.com/Kalam.Mawzoun
My blog (",)
http://kalammawzoun.blogspot.com

كلام موزون لــ نورا خشبة

كلام موزون لــ نورا خشبة

كلام موزون ⑪

كلام موزون ⑪

*********

(1) ما أصعب أن يكون أقرب الناس إليك مجرد إسماً فقط .. لا يعرفون قيمتك ولا يقدروك .. ومهما أوضحت لهم صورتك .. لا يفهموك ويتجاهلوك

(2) فيها إيه لما أكون خالف تُـعرف , مع عادات وتقاليد في نظري غلط وفـارغين .. لأني بكره أمشي مع التيار وأنا مش مُـقتنعة بيه .. لمجرد إن الأغلبية بيكونوا فيه زي القطيـع ماشيين

(3) كل واحد عــ الفيس بوك ((صفحته)) بتدل إلى حدٍ ما وبتعبر عن ((شخصيته))

(4) نفخة كدابة عاملة زي البالونة .. وكبيرها دبوس يفرقعها .. ما بتصدق تلاقي فرصة مُـزيفة ومجنونة .. تنفخها وكمان تخدعها

(5) اللهــم إستخـدمـني ولا تستبـدلـنـي .. وعلى طاعـتـك أعـنّي .. ومن رضـاك لا تحرمني .. ولغـيــرك يا رب لا تكِلـنـي

(6) حُط لسانك جوه بُقك .. وماتخليهوش عــ الشر يزُقك , ده اللسان لوحده يعمل جبل ذنوب .. لو محكمتوش ولحقته في وقتك , وإستغفرت كتير لربك

.
.

نــــورا خـــشــبــة

كلام موزون ⑩

كلام موزون ⑩

*********

(1) عمري ما ندمت على حاجة عملتها .. أو حاجة حصلتلي وزعلت بعدها .. عشان كل حاجة ربنا قدرها تكون بوقتها .. وكان لازم تحصل , عشان أقدر أوصل للخير منّها .. يعني مراحل في حياتي وكان لازم أعدي عليها , عشان أتعلم منها وماغلطش بعدها

(2) دائماً أقول .. إن لم يكن اليوم فــ غداً .. وأن أواني لم يأتي بعد .. فيقيني بالله ليس له حدود .. بأنه آتٍ .. وحين يأذن الله بأوانه .. لا شئ , ولا أحد , سيقف أمامه

(3) مشكلتي مش ببطّل تفكير .. حتى النوم من عيني بيطير .. وأعوّد مخي يهدى ويرتاح .. ألاقيني دخلت في بير تفكير

(4) حاسدين حاقدين منفسنين .. على أفا من يشيل , في كل حتة موجودين .. ومين يزود مين ....؟!! .. ويا ريتنا بنسلم من عيونهم وألسنتهم اللي منهم متبريين

(5) أشــيـاءً كـثـيــرة .. أتغــاضى عنـهــا , وأقــول لــهـا .. عـفــواً .. آدمـيـتـي لا تسـمــح

(6) الكل ولا في باله ومروق .. وقاعد كمان ومتزوق .. وبكل تبلد وبرود يتريق .. وما ينوبك غير تعب أعصابك .. ويا ريته فيهم بيحوق

تــألــيـــف : نــــورا خـــشــبــة  .... :)

My Fan Page On FaceBooK (",)

http://www.facebook.com/Kalam.Mawzoun

إيــه الجـديــد ..!!

بقى شئ مستفز أول ما حد يكلمني يقوللي ((إيه الجديد)) ,,,

من قبل حتى ما يقوللي آلو ..

الكل بقى يكلمني عشان يعرف وصلت لإيه في حياتي ,,

مش عشان يطمنوا عليا أو يسألوا ..

بيفتكروني بس لما يعوزوا حكاية جديدة

يمسكوا فيها ,, ولحكايتهم يكملوا ..

كلمة ((إيه الجديد)) ملهاش غير معنى واحد ,,

هو فضول الناس وحقدها من اللي ناس تانية بتعمله ..

كلمة مش بحبها .. وعمري ما لحد قولتها ,,

وكرهتها من كتر ما بتتقاللي وسمعتها ..

بقيت حاسة إن الكل قاعدلي ومترصدلي ,,

بقى إحساس مفيش إنسان يتحمله.

تــألــيـــف : نــــورا خـــشــبــة  .... :)

My Fan Page (",)
http://www.facebook.com/Kalam.Mawzoun

كلام موزون ⑨

كلام موزون ⑨

*********

(1) أنا لا بغبغان بنص لسان ولا حتى ديك فصيح .. أنا بقول اللي فــ قلبي وبحسه وقلمي صريح .. لا يهمني مجاملة من حد ولا يهمني تجريح .. أنا اللي يهمني بجد , أعبر عن الإنسان بصحيح

(2) لا أستطيع أن أبغض كل من يـُسئ إليّ .. ولكني ألتمس له العذر , لأنه أحمق وغبي .. ولحماقته وغبائه أشفق عليه

(3) يا رب صبرني , يا رب قدرني .. إنت اللي عالم بحالي , وعارفني أكتر مني

(4) إستخفاف بالعقول بأي شئ مخبول .. يخلي الإنسان كإنه مُغيب ومسطول .. ويحفظ ويردد ومش عارف هو إيه أصلاً بيقول ؟! .. ويفرح أوي بيه , وكمان يقول عليه , ده شئ هادف ولذيذ ومقبول

(5)  أوهام من وحي خيالهم .. يصدقوها وتحلالهم .. وقصاد بعض يرددوها ويقولوها وينشروها , لحد ما يعُم كلامهم .. وشغلتهم في الحياة يظلموا ناس في حالها .. وربنا اللي أعلم بحالهم

(6) على إيه نافش ريشك .. ونافخلي طرابيشك .. في الدنيا الكل سواء .. ومسيرها تقصقص ريشك

تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/Kalam.Mawzoun

      

كلام موزون ⑧

كلام موزون ⑧
*********

(1) لو حكيت للناس حكايتي أوام هيضحكوا عليا .. وهيستغربوا قال إيه من خيبتي وهيقولوا دي حكاية خيالية .. دي لا تنفع فيلم هندي ولا سينما خيال علمية .. ساعتها هقول الله أعلم هيحصل إيه في الأيام الجاية .. ربنا قادر في لحظة يخليها حقيقة واقعية



(2) زي الحرباية بيتلونوا حسب الصحبة والجو والنية .. وعشان مصلحتهم يزحفوا بشويش ويجرّوا حنية .. واللي يجاريهم في طبعهم يبقى على قلبهم حلاوة طحينية .. واللي يفهمهم ويتقي شرهم يصبح عدوهم مليون في المية



(3) مهما تفوت سنين على ناس ظالمين .. مسير الحق يبان طول ما فيه إيمان بالله ويقين .. إن الحق هيرجع لأصحابه ولو بعد حين .. ده يخليك قدام كل الناس , تبات مرفوع الراس , لو كنت من المظلومين


(4) اللهــم أصلــح الحــال وأرح البــال وأجــب الســؤال .. يــا مـن علـيـــك الـتــُــكال


(5) تفكيري عجوز وعقلي عمره فوق الستين .. ومش قادرة أعيش سني ولا أعمل زي ناس تانيين



تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/Kalam.Mawzoun

كلام موزون ⑦

كلام موزون ⑦

 **********

(1) مش هتنازل عن أحلامي .. ولو العالم كله عاداني .. مايهمنيش .. يقولوا عبيطة ومش عارفة مصلحة نفسها .. يقولوا مش فاهمة الدنيا وهتجني على نفسها .. برضو مايهمنيش .. غير إن أحلامي تتولد وتعيش



(2) دلوقتي لو تعبان وضروري تروح لدكتور .. هتختارو عندو خبرة وأكيد طبعاً مشهور .. هتروح تحجز تلاقي ولا رغيف العيش عليه الناس طابور .. وهيقولك احجز واستنى لما ييجي عليك الدور .. ولما ييجي يوم الكشف يمكن تموت يمكن تخف .. وماتحتجش أصلاً وقتها لدكتور



(3) كل شئ في الكون لله بيسبح .. حيوان - طير - حشرة - نبات - ده حتى الجماد في كل لحظة بيسبح .. وإنت يا بني آدم ياللي ربنا كرمك وجعلك أرقى المخلوقات .. بتستكبر وتنسى لربك تسبح



(4) ياللي بتعيب في الناس وإنت كلك عيوب .. بص لنفسك الأول وشوف وصلّح عيوبك .. قبل ما تعيب في غيرك وتاخد على كلامك ذنوب



(5) عقله فاضي .. وقلبه فاضي .. ولسانه لما ينطق بيقول كلام فاضي .. ده يبقى إيه ..؟؟



(6) اللهم وفقني يا رب وجميع أحبتي .. وحقق كل أمانيهم وأمنيتي .. ونوّر دروبهم وبصيرتهم وبصيرتي




تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/Kalam.Mawzoun

كلام موزون ⑥

كلام موزون ⑥

 **********

(1) اللهـم أني أُشـهدك ... أني بريئـة من كل الفـتن التي أُعـاصـرها في حيـاتي .. حتى لا أُفـتن بهـا في ممـاتي



(2) سد ودانك عن أي كلام يتقال لك .. واللي يحبطك ده عشان مش قادر يوصل لك .. هيحاربك ويعيد ويزيد وغسيل مخ هيعمل لك .. ويقولك مش هتقدر ويضحك عليك ويتمسخر .. وأول ما تنجح ونجاحك يظهر .. هتلاقيه أول حد فيك يتمحك ويمشي وراك وفــ ضلك



(3) أحياناً ((الصمت)) يكون أفضل الحلول



(4) إمبارح وقت المطر حسيت إحساس جميل بدفا .. كان مطر ببرق ورعد في كل مكان عــ الأرض .. حسيت إنو إحتفال أهل السما بمولد الحبيب المصطفى .. وكإن زينتهم كانت أنوار البرق وكإن غناهم كان أصوات الرعد



(5) نفسي الحاقدين يبطلوا حقــد .. أصلهم خلاص فاقوا الحــد .. ومبقاش يتسكت عليهم بجــد .. ده يخلوا نفس الواحد تتســد .. ومايلاقيش ولا كلمة تناسبهم للــرد



تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/Kalam.Mawzoun

مــش طـبـيــعــيــــة

 

هو أنا ليه إهتماماتي مش زي كل البنات

لا مهووسة بمكياجات ولا شوبينج ومحلات

ولا بتجنن لما تنزل حاجة جديدة من التحف والبرفانات

ولا كل كلامي عن اللبس والشوزات وأحدث الموضات

مــ الآخر بتخنق من القعاد والرغي مع النوع ده من البنات

يمكن أنا بهتم بس مش يومياً كده وفي كل الأوقات

مش كل حاجة أشوفها أشبط فيها وأقول يا بابا هااااااات

يا ترى أنا بس اللي كده ,,

وأنا اللي مش طبيعية ,,,

وده عيب فيا ,,,,

ولا ده من الميزات .. !؟؟



تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/pages/Mansoura-Egypt/klm-mwzwn/243903085319?ref=mf

كلام موزون ⑤

كلام موزون ⑤

 **********

(1) ناس عقولها أخف ما فيها .. وعايزة تمشي الناس بمزاجها .. بيفضل الحقد مالي قلوبها وعينيها .. مهما ربنا عطاها وإدالها .. فاكرين نصايحهم ليك معروف .. ومهما تطنشهم .. منهم بتشوف .. غباءهم غطى عقولهم وماليها

(2) شكراً لكل حد ظلمني .. شكراً لكل حد زعلني .. شكراً لكل حد جرحني .. شكراً لكل حد إتكلم عني .. لإنك بظلمك وغدرك وجرحك علمتني كتير .. وخرّجت من جوايا كلام جزء من إحساسي ومني

(3) يا عيني عــ اللي قاعد وحاطط إيده على خده .. لا له مبدأ ولا عنده هدف يحركه ويشده .. وزي ما التيار بيوديه بيروح معاه ويهاوده .. حتى لو حاجة غلط وماتنسبوش .. الإختيار والهدف ده معندوش .. لأنه مــ الأول مفيش مبدأ فــ ما بيصدق يتعلق بشئ ومايقدرش يصده

تــألــيـــف : نــــورا خـــشــبــة .... :)

My Fan Page On FaceBooK (",)

http://www.facebook.com/pages/Mansoura-Egypt/klm-mwzwn/243903085319?ref=mf

كلام موزون ④

كلام موزون ④

 **********

(1) لو حاجة ونفسك أوي فيهـا .. وسكتك مش سالكـة ليهـا .. راجع نفسك من جـواك .. مش يمكن تكـون مش خيـر ليـك .. ده ربنـا بيحبـك ومعـاك .. وبكـره هيفـرجهـا عليـك .. وبالأحسـن منها هيـديـك .. وتقـول أنا إزاي في يـوم كان نفسي فيهـا

(2) شايلة في قلبي من ناس كتير .. وقلبي بيقوللي بلاش تشيلي منهم .. ده الحمل عليا بقى كبير .. وتعبت من كتر ما شيلت منهم .. ومهما تشيلي فيا هتشوفي برضه منهم .. سكت وقعدت أفكر .. رد قلبي وقاللي .. سامحي وإنسي هتبقي الأحسن .. وربنا وحده هيحاسبهم

(3) سكك كتير قدامي ولا سكة فيهم تعجبني .. وده مش هيكسر أحلامي ولا حد هيقدر يحاسبني .. ويقيني في الله هيوصلني بالطريقة اللي تناسبني .. ما أنا طول ما أنا ماشية في طريقه ولا يوم أبداً هايسيبني

(4) طول ما طالع منك نفس ولسه في الدنيا عايش .. يبقى أكيد ليك دور وربنا سايبك عشانه .. دور عليه وإعمله ومتقبلش تكون عــ الهامش

(5) أكره أن يتحدث عني من يظن أنه يعرفني .. ويبدي رأيه بي وهو في الأساس يجهلني .. فهو بذلك حقاً يظلمني

.
.

نــــورا خـــشــبــة .... (",)

كلام موزون ③

كلام موزون ③

 **********

(1) ياللي بتتكبر عــ الناس بنعم ربنا اللي إداهالك .. ماتتغرش أوي كده وأحب أقولهالك .. زي ما ربنا كرمك ووهبهالك .. في إيده ياخدها منك في ثواني .. وساعتها مفيش غير كره الناس هو اللي هيبقالك

(2) كل واحد وله عالمه الخاص بيه .. فيه اللي بيتكلم عنه وفيه اللي بيحب يداريه .. واللي يقدر يطلع اللي جواه ويعبر عنه بشكل محترم وجميل .. يبقى أكيد مُبدع وهيفيد بإحساسه وكلامه الناس اللي حواليه

(3) بحـب أوي كلمـة ((إحـــســاس)) .. معنـاهـا بجـد كـبـيــر .. ووراهـا حـاجـات كـتـيــر .. بـس يـا خـسـارة .. إنعـدمـت في كـتـيـر من الـنـاس

.
.

نــــورا خـــشــبـة

كلام موزون ②

كلام موزون ②

 **********

(1) إمبارح طيـور واليـوم خنازيـر وبكره الدور على الحميـر .. دي قرصة ودن من ربـك ولسـه هاييجـي غضبه الكـبير .. فـوق وإرجـع بسـرعـة لعقـلك ده باب التوبـة بينـادي كـتير .. إتقـي ربنـا هيرضا عنك وتكمل حياتـك بخـير

(2) الدنيا كلها مصالح .. والكل فيها طايح .. واللي فيها يلعب عــ الناس وينافقهم .. يقولوا عليه ناصح .. والطيب اللي في حاله .. اللي يستحق يكون ناجح .. يضحكوا عليه ويقولوله .. يا فالح

(3) من كرم ربنا ورحمته علينا .. بيخلي الأحزان تيجي مرة واحدة وورا بعضها .. عشان الحزن مايطولش في أيامنا وفينا .. ونلاقيه عشش في قلوبنا ومابيخرجش منها .. بس أكيد برضه محدش بينسى أحزانه .. لكن مع الوقت بننشغل في حاجات غيرها بتبعدنا عنها

.
.

 نــــورا خـــشــبـة

كلام موزون ①

كلام موزون ①

 **********

(1) كـلام مـوزون .. كـلام مـتـقــون .. كـلام في الجـون .. كـلام عـاقـل ومـش مجـنــون .. كـلام لـه أصـل ومعنـى ولـون .. كـلام مـن حـقـه يـخــرج للـنـــور .. وميـبـقــاش في يـوم مـركــون



(2) أهو حلم يراودني أريد الوصول إليه .. أم هو واقع يطاردني أخاف الإقتراب منه



(3) بندعيلك يا رب ترحمنا برحمتك .. إنت وحدك عالم بينا وبدنيتك .. مش طالبين غير لطفك ورضاك علينا .. تحمينا يا رب بقدرتك وقوتك




(4) كل ما بعرف ناس أكتر وبيقابلني كتير من الظروف .. بيزيد إقتناعي بالمثل اللي بيقول اللي يعيش ياما يشوف


(5) أنا ماشية ضد التيار .. وأنا عنيدة وده قرار .. من حقي أجرب وأختار .. يا ناس إفهموني ده مش هزار .. ولا حتى سذاجة أو إستهتار

.
.

نــــورا خـــشــبــة .... (",)